Theresia Hellbauer Georgenberg 10 84568 Pleiskirchen Tel.: 08635-709898

Grüaß Gott, mogst eina schaun in mei` Gartl

Führungen:

Gesundbleiben & Wohlfühlen im Bauerngarten

Kräuter & Blumenvielfalt

Reserl Hellbauer vom Ostermeierhof aus Georgenberg bei Pleiskirchen lod`Di ein in ihr grün`s Dahoam und zoagt Dir und wer`s sonst no sehgn mog, ihr Gartl, dazua Kräuter in der Käuterspirale für`n Hausgebrauch und die Gesundheit.

Lass Deine Gedanka ausspanna, hör`wia`s Wasser plätschert vom Quellstoa übern Gartenteich und schau`wia da Bach obilauft bis zur Mündung im Reg`nwasserbehälter.

Durch zauberhafte Rosenbögen hindurch lasst sich`s im Bauerngart`n und bei de Bleame- und Staud`nbeetl aa guat verweiln!

Geh`vorbei an de edlen Hochstammrosen, frei`Di an de Topf- und Kübelpflanzen und mach`Dir`s dann gmüatli`in unserm Freisitz beim offan Kamin!

Bei Kaffee und Kuacha sitz ma dort beinand mit interessierte Leit! Mit Fachgespräche vergeht dabei schnell de Zeit!

A gotische Filialkirche steht übrigends aa do in Georgenberg, die`s wert is`zu besichtigen ebenso wia des wunderbare Bauernhofmuseum in Englsberg.

Geh`auf z`letzt hoam mit Freid und guate Gedanka, bei so an Gart`nb`suach kann ma wirkli guat entspanna! Doch denk` daran, so a Gartenpräsentation is aa verbund`n mit Arbeit, Kosten und Zeit.
Drum hoit bittschön an Unkostenbeitrag bereit. Dein Interesse am Garten hot Di` heit herg`führt zu mir. Es war`n scheene Stunden - I sog Vergelts Gott dafür.

>>> zurück